Chur
Il y a 10 heures
Lavurera sociala u lavurer social Cussegliaziun da dependenzas
- 10 février 2026
- 100%
- Durée indéterminée
- Chur
À propos de cette offre
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Lavurera sociala u lavurer social Cussegliaziun da dependenzas
Uffizi dal servetsch social dal Grischun | 80–100 % | Cuira
Per incumbensa da las vischnancas presta l'Uffizi chantunal dal servetsch social agid persunal social e per persunas dependentas. Plinavant sustegna el persunas en connex cun l'access a l'agid social economic. Per quest intent maina el otg servetschs socials regiunals en las regiuns dal chantun.
Il Servetsch social per dumondas da dependenza è in post da cussegliaziun spezialisà entaifer il Servetsch social regiunal Cuira/Plessur/Plaun. Il Servetsch social regiunal è responsabel per 11 vischnancas cun 67 000 abitantas ed abitants.
Peril 1. da matg 2026 u tenor cunvegna tschertgain nus ina lavurera sociala u in lavurer social Cussegliaziun per dumondas da dependenza.
- Cussegliar persunas cun problems da dependenza e lur confamigliars
- Cussegliar persunas singulas e famiglias en dumondas socialas, e quai en moda orientada a soluziuns ed a resursas
- Procurar per l'access a las prestaziuns da las assicuranzas socialas sco er a l'agid social economic
- Collavurar cun las autoritads socialas e cun posts spezialisads
- Liquidar ulteriuras activitads multifaras, interessantas e da gronda responsabladad
- Scolaziun terminada sco lavurera sociala u lavurer social BSc/SAS ubain diplom d'ina scolaziun cumparegliabla
- Plaschair da lavurar cun persunas da differenta derivanza sociala e problematica da dependenza
- Cumpetenza da cussegliaziun sco er savida spezialisada en la cussegliaziun per dumondas da dependenza, en il dretg da l'agid social ed en il sectur da las assicuranzas socialas
- Plaschair da contacts, abilitad da supportar squitsch e da lavurar en in team, bunas abilitads communicativas, organisatoricas ed administrativas
- En il cas ideal bunas enconuschientschas da linguas estras
- Moda da lavurar independenta ed orientada a soluziuns
En cas da dumondas As dat Rachel Veronika Hubacher, manadra dal Servetsch social regiunal Cuira / Plessur / Plaun, tel. 081 257 30 34, u Mathias Kaufmann, manader da la partiziun Servetschs socials, tel. 081 257 26 68, gugent infurmaziuns.
Termin d'annunzia: 20 da favrer 2026
