Servicetechniker/Servicetechnikerin 100 %

KUMO Kurt Moser GmbH

KUMO Kurt Moser GmbH

Bewerben

Auf einen Blick

  • Veröffentlicht:

    23 November 2022
  • Pensum:

    100%
  • Vertrag:

    Festanstellung
  • Jahreslohn:

    70 000-75 000 CHF
  • Sprache:

    Deutsch

Mir sueche Di – ja genau Di!

KUMO Kurt Moser GmbH isch es erfolgrichs Familieunternäme in Thun, mit über 30 Jahr Erfahrig im Berich Hushautapparate u Kaffeevououtomate, wo im lokale Märit beschtens verankeret u positioniert isch.

Zur Versterchig vo üsem Team, sueche mir per sofort oder nach Veribarig e

Servicetechniker/Servicetechnikerin 100 %

für Service, Reparature vo u Montage vo Hushautgrät und Kaffeemaschine auer Art.

Zu Dim Ufgabegebiet ghört

  • Repariere u Montiere vo Hushausapparate- Kaffeemaschine
  • Gräteberatig u Instruktion bim Chund
  • Ersatzteilbewirtschaftig
  • Ersteue vo Choschtevoraschläg u Offerte

Was mir üs wünsche

  • E abgschlosseni Bruefslehr mit elektronischem oder mechanischem Fachwüsse
  • Qualitätsbewusstsi
  • Chundeorientiert
  • Flexibilität
  • Sehr gueti Dütschkenntnis i Wort u o Schrift
  • EDV-Awänderkenntnis
  • Führerschin Kategorie B

We Du de no gärn schaffisch, zueverlässig bisch u ime coole Team wettisch tätig si, de bisch Du bi üs genau richtig!

Was mir Dir chöi biete

E sehr abwächsligsrichi u viusitigi Tätigkeit ime motivierte Team mit zytgmässe, attraktive Astelligsbedingige.

We Du di agsproche füelsch, fröie mir üs uf Dini Bewärbig (mit Foto) uf E-Mail schreiben.

Für Frage, steit Dir dr Silvan Moser, Gschäftsführer, unger Telefon 033 438 70 60, gärn zur Verfüegig.

KUMO Kurt Moser GmbH
Frutigenstrasse 59
3604 Thun
www.kurtmoser.ch

Kontakt

Bewerben