Take Away Aushilfe

Ifüährig

Bisch du uf de Suächi nachämä nöd alltägliche lässigem Job? Ja? Denn bisch bi ois genau richtig.

Mir suäched nämlich e engagiärti und motiviärti Ushilf für oises italiänischä Take Away in Regesdorf, wo am 1. Juni 2025 eröffnet wird. Wenn dis Herz für d'Gastronomie brännt und du Froid dra hettisch a oisem noiä Projekt und am Ufbau mit coole Idee dra beteiligt zsi, denn freued mir ois sehr dich dörfe kännäzlernä.

Ufgabä

• Bstellige entgägä nä und vorbereite
• Kundebetreuig und Beratig
• Sicherstellig vo de Suuberkeit und Ordnig am Arbetsplatz
• Unterstützig vom Team i allne Belange.
• Kasse
• Ichauf und Zämäarbet mit oisne Lieferante
• Mithilf bi allne lässige Projekt wo zuäkünftig werdet cho

Qualifikationä

• Erschti Erfahrig i de Gastronomie isch es Plus
• Sehr guäti Dütschkänntnis
• Fründlichs und professionells Ufträte und Froid a zwei chline Frächdachse, wo amigs au fliessig mithälfed
• Teamfähig und zu 100% zuäverlässig und ehrlich
• Sehr flexibel, da mir öpper uf Abruäf oder uf Stundebasis zu gwüssne Zite suäched

Vorteil

• Mir sind würkli e mega cools Team
• Möglichkeit zur Mithilf bi Projäkt vo de Gmeind
• Din Arbetsplatz isch zmitzt ufem Zäntrumsplatz

Bewerbigsinfos

Falls dich oises Inserat agsproche hät und du s'Gfühl häsch, dass chöntisch s'fehländä Puzzleteil vo ois si, denn freued mir ois sehr über dini Bewerbigsunterlage, wo übrigens gern au uf Schwiizerdütsch dörfed si.