Stückguet-Schofföre B/E und C/E
Date de publication :
07 mars 2022Taux d'activité :
100%Type de contrat :
Durée indéterminéeLieu de travail :
Rothrist
Stückguet-Schofföre B/E und C/E
Schöni Transport AG
Neue Industriestrasse 1
CH-4852 Rothrist
Wosch häufe liefere statt nume lavere?
D’Firma Schöni Transport AG isch ä Familieunternähmig und transportiert i dä Schwiiz u im
Usland. Mer sueched uf üsi guet usgrüschtete konfortable und rächt neue Stückguet-Outo
Schofföre wo Mundart rede
(B/E und C/E)
Als guete Schofför weisches Du ja, was dini Ufgabe si:
- Lifere vo Stückguet-Sändige i der ganze Schwiiz
- Abholige mache
- Bi de Chunde ou uuf- oder ablade
Du bringsch folgendes mit:
- Für C/E mindeschtens 3 Jahr Erfahrig uf Ahängerzüg unatürlich Uswiis C/E u
CZV (no mind. no 3 Jahr gültig oder Kurs absolviert) - Für B/E zmindescht Uuswiis für dä Aahänger, no besser einige Erfahrig mit
Aahänger. - Sehr guets Schwyzerdütsch.
- Uf di cha me sech verloh, du machsch di Bruef mit Stolz wie de ou Stolz uf üsi
Schwyzer Fahne bisch, wo ja be üs uf jedem Laschtwage gross drufe isch. Du hesch
em Outo und em räschte Sorg und bisch au fründli mit allne Lüt wo ztüe hesch. - Der Papierchrieg hesch im Griff, und s’Houz bringsch nach der Tour weder hei, we
sech das ghört. - Di Laschtwage / Lieferwage isch dini Perle. Das gseht me sofort.
Mir liefere ou üse Teil:
- Näbem guete Lohn u 30 Franke Tagesspese, chasch Du der no 35 Stutz am Tag
zusätzlich verdiene, we de alles guet u richtig machsch, was amene Spitze-Schofför
wie dir ja eigentlich nid dörfti schwär falle gäu? - 5 Wuche Ferie und bisch de 50i gsi, de no eis Wücheli derzue, auso gar 6
- Du hesch inere erfolgriche und gsunge Firma ä sichere Job und fingsch ou Kollege
hie, mit dene chasch au mou eis im eigene Restaurant go zie oder gar en Jass
chlopfe!
Schick doch dini Unterlage elektronisch per Mail mit der Aagab, was du genau suechsch a:
chauffeur@schoeni.ch
Bitte kei Papierbewärbige u kei Aagebot vo Stellevermittler
Schöni Transport AG
Rolf Gerber
Neue Industriestrasse 1
4852 Rothrist