Marketingmanager (m/w) 100%

Veröffentlicht:01 Dezember 2025
Pensum:100%
Vertragsart:Festanstellung
Arbeitsort:Segelhofstrasse 1u, 5405 Dättwil

Einführung

DYNOVO AG isch es Handelsunternehme, wo im Berich Reinraumbekleidig, - verbruchsmaterial und Schutzbekleidig tätig isch, also alles so Sache wo defür sorged, dass ganz heikli Produkt zum Biispiel ide Pharmaindustrie suuber bliibed. Mir sueched für euse Standort in Baden-Dättwil per 1. Mai 2026 oder nach Veriibarig Unterstützig im Marketing

Über den Job

Was de Job beinhaltet

I dere Funktion bisch du Hauptverantwortlich für euses gsamte Marketing vo A bis Z. Das beinhaltet unter anderem d Pfleg vo eusere Websiite (inkl. Webshop und Blog). Wiiter sorgsch du mit eusem Team und eusne Partner defür das euses SEO, SEA und GEO ned verstaubt. Du erstellsch und verschicksch regelmässig Newsletter und pflegsch euses Firme Linkedinprofil. Ungefähr zwei bis drü mal pro Jahr organisiersch du eusi Teilnahm a Fachmessene. S Update vo technischer Dokumentation und Verpackigsdesign im Indesign rundet dis Ufgabepaket ab. Es isch also üsserst Abwechsligsriich und umfasst praktisch alli Facette vom moderne Marketing – ideal für dich, falls du Vielfalt schätzisch und gern Verantwortig i unterschiedliche Diszipline übernimmsch.

Was du sötsch mitbringe

Du hesch e BWL Usbildig mit Schwerpunkt Marketing abgschlosse (oder verglichbars) und hesch scho inere ähnliche Position gschaffed, idealerwiis im B2B Berich. Wichtig weri, dass du scho mal miteme CRM System gschaffed hesch, idealerweise kennsch dich au mit InDesign und Newslettertools relativ guet us. Du tuesch dich gerne gstalterisch kreativ entfalte und hesch debi es starchs Aug für Detail. Sehr gueti Dütschkenntniss sind zwingend, alli wiitere Sprache sind vo Vorteil.

Was mir dir chönd biete

Mir bietet dir en vielsitige Job inere total spannende Branche, wo sich im Wachstum befindet. Mir sind es etablierts Unternehme und pfleged mit euse Kunde und Lieferante langjährigi Partnerschafte, wodurch gueti Beziehige bestönd. Be eus sind dank de flache Hierarchie d’Entscheidigsweg kurz, du chasch dini eigene Idee iibringe und selbständig schaffe. Es erwartet dich es engagierts, offeherzigs und hilfsbereits Team wo dich selbstverständlich sorgfältig wird iiarbeite. Din wohlerzogene Hund isch be eus au jederziit herzlich willkomme. Moderni Büro, Parkplatz, Personalrestaurant und ziitgmässi Ahstelligsbedingige runded das Ganze ab.

Du hesch s Gefühl, dass chönti de passendi Job für dich si? Super, den schick eus doch bitte dini vollständige Bewerbungsunterlage. Bi Frage stahn ich dir jewils am Vormittag gern zur Verfüegig.