Chauffeur/ Chauffeuse gesucht

About the job

Chauffeur/Chauffeuse gesucht bei Leuzinger Logistik KLG

Hesch lust imena coola Team z schaffa mit schöna moderna Lastwäga? Du bisch kai Starchauffeur? Und bisch an Teamplayer? Hesch Lust zum d Schwiiz und d Europa kenna z lerna? bisch bereit au mol im LKW z schlofa? Bisch isatzbereit und hesch froid anera abwechligsricha Arbeit? Bisch bereit mit üs zäma dr Weg z go und mit üs grösser werda?

Dini Ufgab

• Froid anda arbeit z ha und mit üs in einem Team z schaffa
• sorg heba zu dinem Fahrzüg wie zu da Fracht wo mier füehren.
• d Ladig sichera und sicher as Ziel bringa
• D ARV isch für die kai Problem und haltisch die au i.
• mit üsera Dispo kommuniziera und z informiera

Dis Profil

• Gültiga Fahreruswies vor Kategorie C/CE und CZV
• Du kasch Dütsch? Perfekt!
• Wenn noch anderi Sprocha kasch, sind mier natürlich dankbar.
• du bisch zueverlässig und verantwortigsbewusst
• du hesch as fründliches und pflegtes uftreta.
• du schaffsch gern mitanand und nid geganand.
• bringsch interessa mit?

Was mier dier dafür ge könnt

• du bisch kai Nummer.
• mier sind immer offa für verbesserigsvorschläg
• moderni Fahrzüg
• as cools Team
• Abwechligsrichi Arbeit in dr Schwiiz wie au in Europa
• üsi Verträg sind fair und hend au gueti Soziallaistiga
• Witerbildiga unterstützen mier
• 4 Wucha Feria
• mier sind as Familiaunternehma wo d Chefa au no fahrend.

so bewirbsch du dich

hend mier dis Interessa gweckt? Supi, den freuen mier üs uf dini Bewerbig. Am beschta schicksch üs as E-Mail mit dina Unterlaga und den sitzen mier gern bimena Kaffi ana und luegen das zäma a.