Valitadra u valitader d'immobiglias

À propos de cette offre

Valitadra u valitader d'immobiglias

Uffizi per la valitaziun d'immobiglias | 80–100 % | Glion

S'annunziar online Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la valitaziun d'immobiglias (UVI) è organisà en moda decentrala en sis lieus. En il rom da las valitaziuns da revisiun e da las valitaziuns sin dumonda faschain nus las valitaziuns uffizialas da bains immobigliars surbajegiads. Tras nossa activitad variada essan nus mintga di en contact cun differents partenaris, sco proprietarias e proprietaris ed uffizis, sco er cun l'Assicuranza d'edifizis dal Grischun. En quest connex vegnan er utilisadas las trais linguas chantunalas.

Per il 1. d'october 2026 u tenor cunvegna tschertgain nus ina persuna motivada sco valitadra u valitader d'immobiglias.

Voss champ d'incumbensas

• Inspectar e valitar en moda independenta bains immobigliars en proprietad d'abitar ed en proprietad en condomini sco er manaschis industrials en il rom da valitaziuns da revisiun e da valitaziuns sin dumonda
• Registrar ed evaluar midadas da proprietad
• Elavurar posiziuns en cas da protestas
• Cussegliar davart dumondas da valitaziun internas ed externas

Quai giavischain nus da Vus

• Furmaziun da basa cun attestat federal da qualificaziun (AFQ) sco er en il cas ideal ulteriuras scolaziuns ed ulteriurs perfecziunaments en la branscha da construcziun u d'immobiglias
• Da preferenza intgins onns experientscha specifica per la professiun
• Prontezza d'absolver ina furmaziun supplementara sco valitadra u valitader d'immobiglias
• Utilisaziun segira dals meds d'informatica moderns
• Abilitads analiticas, moda da lavurar structurada ed independenta
• Abilitad da lavurar en in team, prontezza a l'acziun e flexibilitad

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun
Vegnir a savair dapli davart noss avantatgs

Lieu da lavur

Uffizi per la valitaziun d'immobiglias
Plazza Cumin 9
7130
Gilon

En cas da dumondas davart la professiun contactai per plaschair Josef Cavelti, manader dal team, sut il numer da telefon 081 257 62 56.

Termin d'annunzia: 18 da zercladur 2026

Per dumondas davart la procedura da recrutaziun contactai per plaschair Dania Sgier sut il numer da telefon 081 257 38 88.

Nus ans legrain da Vossa annunzia online e da far Vossa enconuschientscha.
S'annunziar online Drucken LinkedIn Instagram Facebook