Supportra u supporter dad ICT

Über den Job

Supportra u supporter dad ICT

Uffizi per la furmaziun professiunala | 70 % | Cuira

S'annunziar online Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.

L'Uffizi per la furmaziun professiunala (UCFP) è in post da servetsch dal Departament d'educaziun, cultura e protecziun da l'ambient (DECA) e realisescha las incumbensas da la politica da furmaziun da la Confederaziun e dals chantuns concernent la furmaziun professiunala da basa. Plinavant è l'uffizi il post da cumpetenza en dumondas da la tscherna da professiun, da scola e da studi sco er l'instanza che accumpogna durant l'entira carriera professiunala.

Per immediat u tenor cunvegna tschertgain nusina supportra u in supporter dad ICT.

Voss champ d'incumbensas

• Esser l'emprima persuna da contact per tut las dumondas da l'informatica sco er prender encunter, analisar e coordinar disturbis e dumondas da support 
• Cussegliar, scolar e sustegnair las pli che 50 collavuraturas e collavuraturs en connex cun l'utilisaziun da meds d'informatica, d'applicaziuns spezialisadas e da process da lavur digitals 
• Planisar, coordinar e realisar process da management da change e da release sco er organisar ed accumpagnar tests d'applicaziun e da sistem 
• Acquistar, administrar e gestiunar il lifecycle da la hardware e software (incl. empustaziuns, management da licenzas, far l'inventari ed installar plazzas da lavur dad IT) 
• Ademplir incumbensas surordinadas dad ICT, en spezial en ils secturs da la coordinaziun, da l'administraziun da las rollas e dals utilisaders, da la protecziun da datas, da las obligaziuns da tegnair en salv e d'archivaziun sco er realisar e survegliar mesiras da la segirezza da las infurmaziuns e da la segirezza da protecziun

Quai che nus giavischain da Vus

• Ina scolaziun u ina furmaziun supplementara fundada en il sectur d'informatica sco er experientscha pratica en il support d'emprim nivel e d'administrar sistems da Microsoft
• Plaschair da sustegnair las utilisadras ed ils utilisaders en moda cumpetenta ed orientada a soluziuns
• Experientscha da collavurar e realisar projects sco er l'abilitad da gidar a concepir activamain midadas e da far avanzar talas cun success
• Abilitad da pensar analitic, chapientscha cumplessiva per connexs tecnics ed organisatorics sco er ina communicaziun clera, chapaivla ed apprezianta
• Moda da lavurar independenta, structurada e fidada cun in grond senn per qualitad sco er l'abilitad da mantegnair en situaziuns pretensiusas la survista, il spiert da team e l'engaschament
• Fitg bunas enconuschientschas a bucca ed en scrit dal tudestg. Enconuschientschas d'ina segunda lingua chantunala u d'ulteriuras linguas èn in plus e faciliteschan il barat en in conturn multifar

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun
Vegnir a savair dapli davart noss avantatgs

Lieu da lavur

Uffizi per la furmaziun professiunala
Grabenstrasse 1
7001
Cuira
Per dumondas stat il responsabel ICT Gestiun e projects da l'Uffizi per la furmaziun professiunala, Gion Desax, gugent a Vossa disposiziun (081 257 48 18, gion.desax@afb.gr.ch).

Termin d'annunzia: 5 da fanadur 2026
Nus ans legrain da Vossa annunzia online e da far Vossa enconuschientscha.
S'annunziar online Drucken LinkedIn Instagram Facebook